John Knox's Grave
Ye haivered an ye thonnered
an ye spewed oot yer wraith
frae the poupit ivery week.
Whit wid ye rant aboot nou John?
Cooncillors rippin up
yer fair toun
wi naither rhyme nor reason -
fur the trams?
Ye're lyin oot thare neglec'it
unner caur space 23.
Its no richt really.
Fir a yer mony faults,
ye foonded a releegion.
But yae haed the last
lauch, efter a' .
Leuk: here's anither, payin his respects.
This ane's got a Ford Cortina,
sayin a prayer o' thanks
ower yer tarry grave-slab
fir that rarest o' things:
a parkin place in Embro.
No Comments Posted!